Cálculo numérico

Coas cifras 4, 3, 5 e 9 e as operacións de sumar, restar, multiplicar ou dividir aproximarse o máis posible ó número 123.

Nomes propios de persoa

Escribe nomes propios de persoa que conteñan as letras R e S.

Exemplos:

Servando, Rosario...

Solución ó acertixo

Un problema de moedas:

Teño 32 moedas aparentemente iguais, pero unha delas pesa máis que as outras.

¿Cantas pesadas teño que facer como mínimo cunha balanza de pratiños para atopa-la moeda defectuosa?

Solución:

Deberei facer 5 pesadas poñendo sucesivamente na balanza grupos de

16 moedas nun pratiño e 16 no outro ;

8 e 8;

4 e 4;

2 e 2;

1 e 1;

Rompecacholas con cartas

Collemo-los ases, reis, cabalos e sotas da baralla española que consta de catro paos (ouros, copas, espadas e bastos). Debemos formar coas 16 cartas un cadrado de 4X4 de xeito que en nengunha fila, en nengunha columna , nen nas diagonais haxa máis dunha carta do mesmo pao ou do mesmo valor.

¡¡Paciencia, podemos tardar en conseguilo!!

Apuntes para exercicios de agudeza visual

Neste caso trátase de averiguar cantos obxectos hai:

- recoñecelos;

- contalos;

- nomealos (traballar sobre o nome das cousas);

Logo podemos facer unha lista con tódolos nomes dos obxectos que lembramos.

Apuntes para crear rompecacholas

Podemos faclos con material de desfeita. Tamén podemos aprenderlle ás propias persoas maiores a facelos e mesmo a crealos.