Mímica

Xogo de grupo

Cada participante escolle ó chou unha tarxeta na que hai escrita unha frase e marcadas unhas palabras chave. Expresándose só con xestos debe conseguir que os compañeiros adiviñen o contido da frase acertando tódalas palabras chave.

Poden servir frases coma estas:

Un home moi alto que levaba sombreiro pediume unha esmola;

A muller choraba porque perdera as chaves do coche;

Dúas amigas (ou dous amigos) comen un filete con patacas fritidas e comparten unha ensalada;

Está chovendo; unha persoa agarda o autobús que ven con retraso;

A cociñeira prepara polbo á feira e ovos fritidos;

Un estudante prepara o seu exame de frauta; fai moito frío;

Unha persoa olla nerviosa un partido de tenis; o seu xogador favorito está perdendo;

É noite; neva e na televisión emiten un concerto de música clásica;