Solución a engadir unha letra

Forma palabras de cinco letras coas letras da palabra CERO e un comodín (unha letra calquera).

Exemplos:

Cobre, credo...

Solución:

A	careo, rócea, créoa, Corea (top.), acero
B	cobre
C	cerco, cocer
D	cerdo, credo
E	coree, réceo
F	cofre
G	greco (pref.)
H	chore
I	rocei, recio, cerio, críeo
L	clero, clore
M	merco, comer, Corme (top.), cremo
N	cerno, rocen
O	coreo, róceo
R	cerro, corre
S	ceros, roces, cores, coser, corsé, ocres
T	torce, cetro, terco, corte, creto, certo
U	creou
V	cervo

Acertixo

Nun grupo de amigos, todos son seguidores do Depor, agás 5; todos son seguidores do Celta, agás 3; todos son seguidores do Barça, agás 6.

¿Cantos seguidores hai de cada equipo e cantos amigos forman o grupo?

Formar palabras con letras

Forma palabras de tres ou máis letras coas letras

I

P

L

O

S

A

Exemplos:

Piso, país...

Ordena as palabras segundo o número de letras e trata de buscar anagramas entre elas.

Solución a cálculo numérico

Coas cifras 7, 3, 8, 4, 1 e as operacións de sumar, restar, multiplicar ou dividir, aproximarse o máis posible ó número 151.

Solución:

8-1=7

7x7=49

49x3=147

147+4=151

Pirámide invertida

Prescinde dunha letra en cada paso.

axigántense

axigántese

axigantes

xigantes

xigante

xantei

xante

neta

tan

na

a

Memoria auditiva

Lembra unha lista de palabras:

• Amigo
• Camiñante
• Preferente
• Esencial
• Decente
• Milenario
• Comodín
• Escena
• Experimento
• Recompensa

Total: 10 palabras;

Solución ó xogo do dicionario

Relaciona cada palabra co seu significado seguindo o exemplo.

Solución:

pelagatos	persoa que carece de posición social e económica
entalar	quedar unha cousa presa ou oprimida nun sitio estreito
marabuto	ermitán musulmán
monición	publicación que se fai na igrexa dos nomes das persoas que queren casar
louro	Que ten o cabelo de cor castaña moi clara ou dourada
naseiro	Que pesca con nasas
brégolas	Home descoidado no vestir
salagre	Pouco amable ou afable.
pila	xerador que transforma en enerxía eléctrica a enerxía producida por unha reacción química.

Cambiar unha letra

Cambia unha letra en cada paso seguindo o exemplo.

Continúa mentres poidas.

COBRA – CORRA – CORTA – PORTA – PORTO...

Agudeza visual

Ordena as letras para formar unha palabra con sentido.

Segue o exemplo.

EUTTRGAIO	GRATITUDE
AIOINSFNC
OALRETSED
DIIINPSDCLAO
SMXPIAA
TOAMSCAS
RDOMCEO
EEELCRB
ADLEBREI

Solución a cuestión de moedas

¿Cal é o menor número de moedas que preciso para pagar un produto que costa 3,65 €?

Solución:

Unha moeda de 2 €, unha moeda de 1 €, unha moeda de 50 céntimos, unha de 10 e unha de 5, así que 5 moedas.

Categorías

Escribe 5 palabras de cada unha das seguintes categorías.

Segue o exemplo.

MATERIAIS	APELIDOS	CORES	ZODIACO
ladrillo	García	verde	Capricornio

Solución a acertixo

Temos 5 bólas verdes e 5 bólas azuis nunha bulsa.

¿Cantas bólas teño que sacar cos ollos pechados para conseguir dúas bólas azuis?

Solución:

Supoñamos que a primeira bóla é azul, as cinco seguintes poden ser todas verdes e a continuación teremos necesariamente unha azul.

Tamén podería acontecer que as cinco primeiras bólas fosen verdes, as dúas seguintes serían azuis.

Así que a solución é: 7 bólas.

1	2	3	4	5	6	7
A	V	V	V	V	V	A
V	V	V	V	V	A	A

Buscar palabras

Escribe palabras que só conteñan a consoante T, con ou sen repetición.

Exemplos:

Teu, tutía... 

Refraneiro

Comenta algún dos seguintes refráns, ditos ou expresións da fala popular:

• Ser unha lebre corrida;
• Para quen non quere ten meu pai moito;
• Co tempo e unha cana;
• A corda sempre rompe polo máis delgado;
• Onde hai galo non manda galiña;
• Ata lle ladran os cans;
• Non ter un can que lle ladre;
• Ter un can de palleiro;
• Segundo te ven, así te tratan;
• De Pascuas en Ramos;

Solución a categorización

Ordena por categorías as seguintes palabras:

Prato – ruído – atún – rosa – sardiña – caravel – berro – salmón – cunca – odio – anguía – cafeteira – redobre – troita – marmulo – garfo – ollomol – tulipán – culler – barullo – violeta – vaso – coitelo – ola – ladrido – cazo – aprecio – acorde – nardo – celos – hortensia – amizade – bacallau – azucena – relincho – caridade – lamprea – fidelidade;

Solución:

FLORES	PEIXES	AMOR	SONS	OBXECTOS
caravel nardo hortensia azucena rosa tulipán violeta	anguía atún bacallau lamprea ollomol salmón sardiña troita	acorde amizade caridade fidelidade aprecio celos odio	berro ladrido relincho marmulo barullo redobre ruído	cafeteira cazo coitelo culler cunca garfo ola prato vaso

Pirámide invertida

Prescinde dunha letra en cada paso.

avariados

avariado

avaríao

varíao

varío

ario

aro

ar

a

Léxico

Escribe nomes de moedas que coñezas (tanto actuais como antigas).

Exemplos:

Euro, peseta, dólar...

Repentización

Preguntas que requiren respostas rápidas.

Cinco respostas para cada pregunta.

Utensilios que sirvan para cortar: tesoiras...

Nomes propios de persoa que rematen en S: Inés...

Sinónimos de mercar: comprar...

Nomes de alimentos que conteñan a letra R en posición intermedia: arroz...

Nomes de animais de pico: galiña...

Nomes propios de persoa que comecen por D: Donato..

Ritmos musicais: tango...

Nomes de alimentos que conteñan RR: arroz...

Utensilios que sirvan para escribir: lapis...

Edificacións públicas: igrexa...

Instrumentos musicais: piano...

Nomes de animais que conteñan a letra U en posición intermedia: rula...

Sinónimos de bo: excelente...

Xéneros cinematográficos: comedia...