Creatividade

Falando coas cousas.

Xogo de grupo.

Cada participante escolle un obxecto calquera.

(Tamén podemos ter unhas papeletas cos nomes dos obxectos e que cada participante escolla un ó chou).

Exemplos:

reloxo;

gafas;

libro;

lapis;

zapato;

etc.

Cada un debe inventar unha conversa CON ese obxecto. Non se trata de describilo, senón de establecer unha relación con el, coma se dun ser animado se tratara.

Exemplo:

Conversa cun lapis.

Lembro cando te merquei; era pola tarde e tiña ansia por debuxar. O primeiro que fixemos xuntos foi unha margarida sobre unha folla do meu caderno de notas. ¡Que ben te adaptabas á miña man, con que suavidade te deslizabas e con que fidelidade reproducías os meus impulsos! Despois da margarida veu unha rosa e logo un tulipán...