Xogo de docionario

Asocia cada palabra co seu significado seguindo o exemplo.

aloumiñar	Probar a veracidade ou autenticidade de algo
ouvear	Traballar moito e con afán
picar	Traballar en calquera cousa a medias e sen maña
arrolar	Peneirar
fozar	Facer caricias ou aloumiños
bourar	Andar balanceando as cadeiras, de xeito semellante aos parrulos
carrandear	Facer un ou máis buratos cun obxecto rematado en punta
repenicar	Balancear un berce  para adormenta-lo neno
acreditar	Emitir sons agudos e fortes ou palabras en voz moi alta
barutar	Tocar con mestría un instrumento, especialmente de percusión

Xogo do dicionario

Escolle o siñificado que che semelle máis axeitado para cada palabra

SOFRAXE:

1. Rodo, peza que adorna a parte inferior da saia;
2. Tristura, pesadume;
3. Parte posterior do xeonllo;

QUINTEIRO:

1. Soldado de reemplazo;
2. Terreo situado na parte posterior da casa;
3. Propietario;

BACURIÑO:

1. Porco pequeno;
2. Anano, de escasa estatura;
3. Tímido, pouco atrevido;

FACHENDA:

1. Rabaño;
2. Aspecto físico;
3. Presunción, vanidade;

Xogo do dicionario

Marca a resposta que consideres correcta:

CÓDICE	Libro antigo; Manuscrito; Código, clave, contrasinal;
Ó CHOU	ó abrigo, protexido do aire e do frío; a carón, arrimado; sen escoller, sen pensar;
PREA	camisa que deixa a culebra despois da muda; mancha na roupa, principalmente de graxa; ferramenta de carpinteiro;

Xogo do dicionario

Hai varios xogos que se poderían agrupar con este título.

Neste caso trátase dun xogo que practicaremos en grupo e que ten como obxectivo busca-la palabra máis próxima, no tocante á orde alfabética, a unha palabra dada, sempre en sentido descendente.

Non se trata de consulta-lo dicionario, senón de formar palabras, ben sexa engadindo algunha letra ou letras á palabra dada, ben sustituíndo a última letra ou letras por outra ou outras.

Exemplo:

Supoñamos que a palabra dada, que se escolle ó chou, é CASACA;

Os participantes dirán palabras como casamento, casar, casada, casación, casal, casadeira, casamata, etc.

E a palabra máis próxima será CASACIÓN.

Proba con outras palabras como:

PELOTA - CAPATAZ - PAPEL - FORMAL...

O xogo do dicionario

Modalidade 1:
Trátase de atopar unha palabra a partires da súa definición. Podemos empregar definicións "oficiais" (tiradas do Diccionario da Real Academia) ou definicións máis espontáneas coma nos seguintes exempros:

Definición: Tocado con prumas;
Solución: Indio;

Para que resulte máis doado podemos facilitar a letra inicial de cada palabra.
Proba coas seguintes:

Definicións:
a) Prenda de vestir que ten nome de país; Solución: B...
b) Emprega a rede para sobrevivir; Solución: M...
c) Oficio de intermediario; Solución: M...